ტრენინგის IIIდღე

   ტრენინგის მესამე დღეს მუშაობა  დავიწყეთ პროექტის მეორე მოდულის  გეგმაზე მუშაობით.გამოვავლინეთ სტანდარტით განსაზღვრული შედეგები. დავისახეთ სასწავლო მიზნები, გამოვყავით მნიშვნელოვანი ცნებები და ყურადღება  გავამახვილეთ საკვანძო  კითხვებზე,რომლითაც მიმართულება უნდა ავირჩიოთ .
  გავიაზრეთ დროში გაწერილი შეფასების გეგმის მონახაზი, განვსაზღვრეთ შეფასების ფორმები.გავაანალიზეთ პროექტის შესარჩევად თემატიკა ,ვისაუბრეთ ,თუ როგორ ხდება მოპოვებული ინფორმაციის დახარისხება და როგორ ხდება პროექტის თემასთან სტანდარტით გათვალისწინებული ინდიკატორების მორგება  . ვისწაველეთ პროექტისათვის საჭირო რესურსის ბროშურის  დამზადება ,დავადგინეთ განსხვავება პროშურას,  ფლაერსა და კედლის გაზეთს შორის .დღევანდელი დღე საინტერესო გახლდათ . მოუთმენლად მოველი ხვალინდელ ტრენინგს .ვფიქრობ  ის დღეც ნაყოფიერად ჩაივლის.

ტრენინგის I-II  დღე

   გრძელვადიანი პროექტებით სწავლების შესასწავლი ტრენინგის კურსი,  რომელიც დაიწყო 2017 წლის 29 აპრილს  მოიცავს 9 სამუშაო დღეს.
     ტრენინგის პირველი დღე  საინტერესო იყო იმ გაგებით ,რომ გავეცანი გრძელვადიანი პროექტებით სწავლების ონლაინ ვერსიას-ნავიგაციას,როგორ უნდა გამოვიყენო ელექტრონული წიგნი.
      გავეცანი 1 -ელ მოდულს, რომელიც საშუალებას მაძლევს  ვისწავლო, როგორ  უნდა დავგეგმო გრძელვადიანი პროექტი, როგორ დავგეგმო შესასრულებელი აქტივობები: როგორ მოვიპოვო რესურსი კურსისათვის,შევაგროვო მოსწავლის ნიმუშები ,შევადგინო პროექტის გეგმა,მოვაგვარო პროექტის დამხმარე საშუალებები,აუდიო-ვიდეო მასალები,დავიცვა საავტორო უფლებები  და მოვახდინო შეფასება. როგორი სახე მივცე პროექტს საბოლოოდ, როგორ განვათავსო პროექტის ეს მასალები საქაღალდეში.
  მოდულში გასაგებადაა მოცემული თუ როგორ დამეხმარება ინტელის ძირითადი კურსის ცოდნა მოსწავლეთა წარმოსახვის, შემოქმედებითი უნარების და სასწავლო კომპეტენციების უკეთ გააზრებაში საბოლოოდ კი, მაღალი  დონის სააზროვნო უნარების
და სასწავლო პროცესში მოსწავლეთა ჩართულობის მიღწევაში,
ამასთანავე როგორ გავამდიდრო ტექნოლოგიებით სასწავლო პროექტი.
   მოდულში კარგადაა ასახული პროექტზე დაფუძნებული სწავლების უპირატესობა:

•  აქტიური კვლევისა და მაღალი დონის აზროვნების წახალისება:
• მოსწავლეთა ჩართულობა; 
• მოსწავლეთა საკუთარი თავის რწმენისა და სწავლისადმი დადებითი დამოკიდებულების გაზრდა;
• მოსწავლეთა პასუხისმგებლობის გაზრდა და მოტივაცია სწავლისადმი განსხვავებით ტრადიციული მოდელისა;.
• კომპლექსური უნარ -ჩვევების განვითარების შესაძლებლობა /აზროვნების მაღალი დონე ,ანალიზი, სინთეზი, შეფასება/, პრობლემების გადაჭრა , თანამშრომლობა, კომუნიკაცია.
• სხვადასხავა ტიპის სწავლების სტრატეგიების,ფორმების გამოყენება შესაძლებელს ხდის მოსწავლეებში მრავალფეროვანი სწავლის სტილის დანერგვით აქტიურ ჩართულობას სწავლის პროცესში.
• 21-ე საუკუნის უნარ -ჩვევების განვითარება;.

• მე-2 დღეს შევქმენით ბლოგები ,სადაც საშუალება გვაქვს ჩვენს არეალში მოვათავსოთ ტრენინგის შედეგები და რეფლექსიები.